"Barselona"nın və PSJ-nin sabiq yarımmüdafiəçisi Ronaldinyo Paris klubunun hücumçusu Usman Dembelenin cari mövsümdəki çıxışını şərh edib.

Operativ Media xəbər verir ki, bu haqda "L'Equipe" məlumat yayıb.

"Onu çox bəyənirəm. Onun oyun üslubu bir az braziliyalılara yaxındır. O, driblinqlər edir, yeni hərəkətlər icad edir, oyunçuları qıcıqlandırır. Onu oxumaq çox vaxt qeyri-mümkün olur, ən əsası isə çoxlu qollar vurur. O, özünü üzə çıxarmaq mərhələsindədir, keçən il PSJ-də və ya ondan əvvəl "Barselona"da oynadığı roldan fərqli bir rola girir".

Bu mövsüm 27 yaşlı Dembele bütün turnirlərdə 40 oyuna çıxıb, 32 qol vurub və 8 məhsuldar ötürmə edib.