İsveç millisinin sabiq futbolçusu Zlatan İbrahimoviç niderlandlıların 2026-cı il dünya çempionatından kənarlaşmasında Niderland yığmasının baş məşqçisi Ronald Kumanı günahkar hesab edir.

Operativ Media xəbər verir ki, o, bu haqda "Fox" kanalının efirində bildirib.

"Hesab edirəm ki, bu məğlubiyyətdə Ronald Kuman günahkardır. Niderland millisi heç özünə bənzəmirdi. Mən onu sadəcə tanıya bilmədim. Məsələ heç nəticədə də deyil, Niderlandın futbol identikliyinin itirilməsindədir. Kumanın konsepsiyası bu komandanın ruhuna uyğun gəlmirdi və bu, mənə pis təsir edir. Məğlub olmaq olar, lakin bu zaman öz oyun üslubuna sadiq qalmaq vacibdir", — deyə İbrahimoviç qeyd edib.

​İyunun 30-da Niderland komandası dörddəbir final mərhələsində Mərakeşə uduzaraq (1:1, penaltilər seriyası – 2:3) turniri tərk edib.