Sertifikatlaşdırma prosesi yekunlaşmış ibtidai sinif, Azərbaycan dili və ədəbiyyat, riyaziyyat, xarici dil, biologiya, kimya, fizika, coğrafiya və informatika müəllimləri üzrə ümumi statistika müəyyən olunub.

Operativ Media xəbər verir ki, bunu elm və təhsil naziri Emin Əmrullayev "Sertifikatlaşdırma: səriştəli müəllim - keyfiyyətli təhsil" mövzusunda keçirilən tədbirdə çıxışı zamanı deyib.

Nəticələrə görə, imtahan verən müəllimlərdən 52 194 nəfəri qənaətbəxş nəticə (30-50 bal), 25 508 nəfəri isə yüksək nəticə (51 bal və yuxarı) göstərib. 

Bununla yanaşı, prosesə cəlb olunanlar arasında 60 yaşı tamam olmuş 7 947 nəfər, fəaliyyətinin 3 ili tamam olmayan 6 493 nəfər yer alıb. 

İmtahanlarda uğursuz nəticə göstərənlərin sayı isə 9 334 nəfər təşkil edib.