Moldovanın "Zimbru" klubu azərbaycanlı futbolçunu transfer etmək istəyir.

Bu haqda "Operativ Media"ya açıqlama verən futbolçu xəbəri təsdiqləyib.

"Bəli, "Zimbru" klubu mənimlə əlaqə saxlayıb. Lakin klubuma hər-hansı bir təklif gəlməyib".

Həsən Nəzərov Moldova klubuna keçib-keçməyəcəyi haqqında da danışıb.

"Hal-hazırda "Ankaragücü" klubunun oyunçusuyam. Bir cavab versəm səhv olar. Transfer dövrü gələndə daha dəqiq danışmaq olar. İndi bu haqda bir şey deyə bilməyəcəm"

Qeyd edək ki, Həsən Nəzərov Renat Dadaşovla birlikdə "Ankaragücü" komandasında çıxış edir.