Fransanın Müluz şəhərində keçirilən Beynəlxalq Parabadminton Turnirinə yekun vurulub.

Operativ Media xəbər verir ki, 20 yaşlı gənc parabadmintonçumuz İbrahim Əliyev kişi idmançıların birgə mübarizə apardığı qoşa yarışda (SU-5 kateqoriyası) polşalı komanda yoldaşı Bartlomiej Mroz ilə birlikdə bürünc medala yiyələnib.

Onlar qrup mərhələsində braziliyalı rəqibləri (Ramos Santos, Yeily Rodrigues) üzərində qələbə qazanıb, Çin Taypeyini təmsil edən rəqiblərinə (Jen-Yu Fang, Gui Yu Pu) isə məğlub olublar.

Bu nəticə ilə yarımfinala yüksələn cütlük Malayziyanı təmsil edən rəqiblərinə (Mohamed Azri, Cheah Liek Hou) məğlub olaraq beynəlxalq turnirin bürünc medallarına sahib çıxıb.