Bu gün Tbilisidə (Gürcüstan) cüdo üzrə növbəti Böyük Dəbilqə turnirinə start verilib.

Operativ Media xəbər verir ki, turnirin ilk günündə Azərbaycanın 5 idmançısı tatami üzərinə çıxıb. Onlardan biri medal uğrunda mübarizə aparacaq.

66 kq

Rəşad Elkiyev startda Luka Saqanelidzeni (Gürcüstan) məğlub edib, daha sonra Françesko Karqnelutti (İtaliya) və Abdurahim Nutfulloev (Özbəkistan) üzərində qələbə qazanıb. O, yarımfinalda Abrek Naquçevə (IJF) uduzub, o, bürünc medal uğrunda Özbəkistanlı Azizbek Ortibeklə mübarizə aparacaq.

Nazir Talıbov Laşa Nadiradzeyə (Gürcüstan) məğlub olub.

60 kq

Murad Muradlı startda Jaba Papunaşviliyə (Gürcüstan) qalib gəlsə də, daha sonra Enzo Jana (Fransa) məğlub olub.

52 kq

Aydan Vəliyeva Qal-Od Tserentoktokh (Monqolustan) üzərində qələbə qazansa da, 1/4 finalda Amandine Buuşara (Fransa) məğlub olub. Təsəlliverici raundda Vəliyeva Roza Giertaşla (Macarıstan) məğlub olub.

57 kq

Fidan Əlizadə Bianka Reisə (Braziliya) uduzub.

Hüseyn Allahyarov (60 kq) naməlum səbəbdən yarışmayıb.