Fernando Muslera "Bavariya" ilə oyunda oynaya biləcək?

UEFA Çempionlar Liqasının “Qalatasaray” – “Bavariya” matçı öncəsi bütün gözlər qapıçı Fernando Musleradadır.

"Operativ Media" xəbər verir ki, "Kasımpaşa" matçında zədələnərək oyunu tərk etmək məcburiyyətində qalan və müalicəsinə başlayan uruqvaylı əlcək sahibi  çərşənbə axşamı komanda ilə birgə məşqə qatılıb.

 Bu xəbərlə Musleranın çərşənbə axşamı keçiriləcək matçda iştirak edə bilmə ehtimalı artıb. Bəzi iddialar isə təcrübəli qapıçının Mauro İkardi kimi iynə ilə oynayacağı ilə bağlıdır.

Okan Burukun yetirmələri A qrupunun 4-cü həftə matçında səfərdə "Bavariya" ilə qarşılaşacaq.

 Bu görüşə qədər "Qalatasaray" 4 xalla qrupda 2-ci yerdədir.