Türkiyə Prezident Administrasiyası NATO sammiti ilə əlaqədar Ankarada komendant saatı tətbiq olunacağına dair sosial şəbəkələrdə yayılan iddiaların həqiqəti əks etdirmədiyini açıqlayıb.

Operativ Media xəbər verir ki, bu barədə Türkiyə Prezident Administrasiyasının Kommunikasiya İdarəsinin Dezinformasiya ilə Mübarizə Şöbəsi məlumat yayıb.

Bildirilib ki, 2026-cı il iyulun 7-8-də keçiriləcək NATO sammiti ilə əlaqədar Ankarada komendant saatı tətbiq edilməyəcək.

Məlumatda həmçinin qeyd olunub ki, sammit ərəfəsində cəmiyyət arasında təşviş və qeyri-müəyyənlik yaratmağa yönəlmiş əsassız iddialarla bağlı aidiyyəti dövlət qurumları tərəfindən bütün zəruri hüquqi prosedurlar həyata keçirilib.