Beynəlxalq Şahmat Federasiyası (FIDE) noyabr ayı üçün reytinq cədvəlini açıqlayıb.

"Operativ Media" xəbər verir ki, Azərbaycan təmsilçisi Teymur Rəcəbov 2745 xalla 14-cü sırada qərarlaşıb. Şəhriyar Məmmədyarov isə bir pillə irəliləyib və 2734 xalla 16-cı sıranı tutub.

Bakıdakı Dünya Kubokunda 4-cü yeri tutan Nicat Abasov 2679 xalla 53-cü olub. Abasov ötən ay sıralamada 58-ci idi.

Kişilərin cədvəlinə 2829 xalla norveçli Maqnus Karlsen başçılıq edir.

Qadın şahmatçılardan Günay Məmmədzadə (2441) 29-cu, Ülviyyə Fətəliyeva (2395) 57-ci, Gövhər Beydullayeva (2383) 68-ci, Gülnar Məmmədova (2350) isə 94-cü sıradadır. Qadınların sıralamasında zirvədə çinli Hou İfana yer alıb (2632 xal).