"Seltik" klubu Fələstini dəstəkləyən azarkeşləri ilə bağlı sərt qərar verdi

Şotlandiya təmsilçisi "Seltik" klubu Fələstinə azarkeşlik edən "Yaşıl Briqada" qrupunun üzvü olan azarkeşlərinin öz ev matçlarına gəlməsinə qadağa qoyub.

"Operativ Media" İngiltərə mətbuatına istinadən xəbər verir ki, azarkeş qrupunun üzvlərinə göndərilən elektron məktubda klubun mövsümlük üzvü olan bilet sahiblərinin ev matçlarına getməsinə qadağa qoyduğu bildirilib.

Xəbərdə bu qərara UEFA Çempionlar Liqasında "Atletiko Madrid"lə matçda azarkeşlərin tribunalarda Fələstin bayraqları açmasından sonra gəldiyi vurğulanıb.

 “Yaşıl briqada” üzvlərinin nümayişinə görə klubun bundan əvvəl də iki dəfə cərimə olunduğu və UEFA-nın növbəti intizam cəzası tətbiq etməsindən qorxduğu bildirilib.