"Qarabağ"ın rəqibi İsveç kubokunda qələbə qazandı

Azərbaycan çempionu “Qarabağ”ın Avropa Liqasının qrup mərhələsindəki rəqiblərindən olan “Hakken” İsveç kubokunda növbəti oyununa çıxıb.

"Operativ Media" xəbər verir ki, sözügedən komanda təsnifat mərhələsi çərçivəsində səfərdə “Yonsereds”lə qarşılaşıb.

“Qarabağ”ın rəqibi matçdan 4:1 hesablı qalibiyyətlə dönüb.

Xatırladaq ki, “Qarabağ”la “Hakken” arasında qrup mərhələsi çərçivəsində baş tutacaq ilk matç oktyabrın 5-də İsveçdə keçiriləcək. Tərəflər arasında növbəti matç isə 14 dekabrda Bakıda baş tutacaq