Azərbaycan yığması Almaniyanın Düsseldorf şəhərində keçirilən at polosu üzrə 14-cü Avropa çempionatında final oyununa çıxıb.

Dövlət Sərhəd Xidmətindən "Operativ Media"ya verilən məlumata görə, komanda həlledici görüşdə İspaniya ilə üz-üzə gəlib.

Rəqibinə uduzan milli gümüş medal əldə edib.

Azərbaycan yığması yarışda 3-cü dəfə iştirak etməsinə baxmayaraq, inamlı təsir bağışlayıb. Belə ki, təmsilçimiz Avropanın ən güclü 8 komandasının mübarizəsində keçirdiyi 4 oyunun hər birindən, o cümlədən finalda qarşılaşdığı İspaniya yığması ilə qrup matçından qələbə ilə ayrılıb.