"İki ölkənin hökumətlərarası Komissiyasının iclası ötən il keçirilib, amma bu gün Prezidentin qəbulunda da nazirlə müzakirələr aparılıb, yeni layihələr barədə fikir mübadiləsi reallaşıb".

Operativ Media xəbər verir ki, bunu xarici işlər naziri Ceyhun Bayramov İordaniya Haşimilər Krallığının Baş nazirinin müavini, xarici işlər və xaricdə yaşayan iordaniyalılar naziri Əymən Əs-Səfadinlə birgə mətbuat konfransında deyib.

Nazir bildirib ki, növbəti aylar ərzində aidiyyəti qurumların nümayəndələrindən ibarət Azərbaycanın iqtisadi nümayəndə heyəti İordaniyaya səfər edəcək, elə o zaman Biznes forumu keçiriləcək: "Ölkəmizin artan logistika nəqliyyat imkanları, Azərbaycanın Avropa və Asiya arasında artan imknları nəzərdən keçiriləcək”.