Avropa İttifaqı Ermənistan və Azərbaycan hökumətləri ilə Cənubi Qafqazda regional nəqliyyat və bağlantı marşrutlarının inkişafını ən yaxşı şəkildə necə dəstəkləyə biləcəyini müzakirə edir.

Operativ Media xəbər verir ki, bunu Avropa İttifaqının Cənubi Qafqaz və Gürcüstan üzrə xüsusi nümayəndəsi Maqdalena Qrono jurnalistlərə açıqlamasında deyib.

O bildirib ki, regionda davamlı sülhün qurulması istiqamətində əldə edilən irəliləyiş təsiredici olub.

"Avropa İttifaqı olaraq, biz Ermənistan eləcə də Azərbaycan üçün güclü tərəfdaş olmağa çalışırıq ki, bu sülh bütün insanlara fayda verən davamlı bir reallığa çevrilsin", - deyə o qeyd edib.