Özbəkistan Respublikasının Prezidenti Şavkat Mirziyoyev diplomatik fəaliyyətini başa vuran Azərbaycan Respublikasının fövqəladə və səlahiyyətli səfiri Hüseyn Quliyevi qəbul edib.

Operativ Media xəbər verir ki, bu barədə "Uza.uz" məlumat yayıb.

Dövlət başçısı Azərbaycan səfirinin səmərəli işini və iki ölkə arasında strateji tərəfdaşlıq və müttəfiqlik münasibətlərinin inkişafı və möhkəmləndirilməsindəki şəxsi töhfəsini qeyd edib.

Görüşün sonunda Şavkat Mirziyoyev Özbəkistan ilə Azərbaycan arasında çoxşaxəli əlaqələrin möhkəmləndirilməsindəki böyük töhfələrinə görə səfir Hüseyn Quliyevi "Əmək Şöhrəti" ordeni ilə təltif edib.