"Mançester Yunayted" 17 yaşlı yarımmüdafiəçi Əmir İbrahimovla peşəkar müqavilə imzalayıb.

Operativ Media xəbər verir ki, bu haqda klubun mətbuat xidməti məlumat yayıb.

Müqavilənin müddəti dəqiqləşdirilməyib.

İbrahimov Dağıstandandır və 11 yaşında olarkən ailəsi ilə birlikdə İngiltərəyə köçüb. Futbolçu əvvəlcə “Şeffild Yunayted”in akademiyasında məşq edib və 2021-ci ildə “Mançester Yunayted”ə qoşulub.

2024/25 mövsümündə İbrahimov "Mançester Yunayted"in gənclər komandasının heyətində 25 matçda iştirak edib, 7 qol vurub və 4 məhsuldar ötürmə edib.

İbrahimov İngiltərə U16 yığmasında da 2 matçda iştirak edib və 1 qol vurub.