Bu gün Almaniya 2-ci bundesliqasında 11-ci turun oyunları davam etdirilir.
"Operativ Media" xəbər verir ki, Azərbaycan millisinin hücumçusu Mahir Emrelinin çıxış etdiyi “Nürnberq” səfər matçında “Hamburq”la qarşılaşır.
Oyun Bakı vaxtı ilə saat 16:30-da başlanıb. M.Emreli əsas heyətdə yer alıb.
M.Emreli 63-cü dəqiqədə komandasının bərabərlik qolunu vurub - 1:1. Bu, onun komandasında ardıcıl 4 oyunda 4-cü qolu olub (3-ü Liqa, 1-i kubok oyununda).
65-ci dəqiqədə o, sarı vərəqə alıb. 68-ci dəqiqədə isə Emreli Lukas Shhemilerlə əvəzlənib. Bu zaman onun məyusluğu diqqət çəkib.
