Şimali İrlandiyada iğtişaşlarla bağlı saxlanılanların sayı 19-a çatıb

Şimali İrlandiyada son günlər baş verən iğtişaşlarla əlaqədar saxlanılanların sayı 19-a çatıb.

Operativ Media xəbər verir ki, bu barədə "BBC" məlumat yayıb.

Məlumata görə, yanğınsöndürənlər Şor küçəsində baş vermiş yanğını söndürmək üçün hadisə yerinə cəlb olunublar. Yanğın nəticəsində xəsarət alan olmayıb.

Polis ictimai asayişin qorunması məqsədilə gücləndirilmiş təhlükəsizlik tədbirlərinin həftəsonu da davam etdiriləcəyini bildirib.