Misli Premyer Liqasında XV turun oyunlarının təyinatları açıqlanıb.

"Operativ Media" xəbər verir ki, bu gün start götürəcək turun matçlarının hakimləri, hakim-inspektor və AFFA nümayəndələri müəyyənləşib. 

“Qarabağ” – “Qəbələ” qarşılaşmasını Tural Qurbanov idarə edəcək. Dekabrın 4-də keçiriləcək görüşdə baş hakimin köməkçiləri Cəmil Quliyev və Zöhrab Abbasov olacaq. Dördüncü hakim funksiyası Rəşad Əhmədova tapşırılıb. 

Xatırladaq ki, Tofiq Bəhramov adına Respublika Stadionunda keçiriləcək oyun saat 19:30-da başlayacaq.