Dani Karvaxal Arda Gülərlə aralarında baş tutan söhbəti açıqlayıb: "Əlindən gələni etməlisən!"

"Real Madrid"in müdafiəçisi Dani Karvaxal bir müddətdir zədəsi ilə mübarizə aparan Arda Güləri dəstəklədiyi çıxışını açıqlayıb.

"Operativ Media" xəbər verir ki, "Fənərbağça"dan "Real Madrid"ə transfer olan Arda Gülər zədəli olduğu üçün yeni komandasında debüt edə bilməyib. İspaniyada 3-cü zədəsini alan gənc futbolçu oynamağı  gözləyərkən, 18 yaşlı futbolçuya dəstək "Real Madrid"in müdafiəçisi Dani Karvaxaldan gəlib.

Dani Karvaxal Arda Gülərlə aralarında baş verən söhbəti bu sözlərlə izah edib:

"Arda Güləri ruhlandırmaq üçün yanına getdim. Ona  sakit olmasını, bunun  bir proses olduğunu ,bəzən orqanizmin uyğunlaşmalı olduğunu və geri qayıtmaq üçün əlindən gələni etməli olduğunu bildirdim. Ona tək olmadığını və bunu yaşayan tək futbolçu olmadığını dedim"