Azərbaycan Respublikasının Prezidenti İlham Əliyev dekabrın 8-də Slovakiya Respublikasına rəsmi səfərə gəlib.

Operativ Media xəbər verir ki, Bratislava şəhərinin Milan Ştefanik adına Beynəlxalq Aeroportunda Azərbaycan Prezidentinin şərəfinə fəxri qarovul dəstəsi düzülmüşdü.

Dövlətimizin başçısını Slovakiya Respublikası Prezidenti Aparatının rəhbəri Peter Vodraşka və digər rəsmi şəxslər qarşıladılar.

***

17:30

Azərbaycan Prezidenti İlham Əliyev bu gün Slovakiyaya səfər edəcək. 

Operativ Media-nın xəbərinə görə, səfər çərçivəsində iki ölkə arasında siyasi və iqtisadi əməkdaşlığın genişləndirilməsi istiqamətində danışıqlar aparılacaq.