2026-cı ilin birinci yarımili ərzində Bakı şəhərinin prokurorluq və daxili işlər orqanları tərəfindən qeydə alınmış 6909 cinayət hadisəsinin 93,2%-nin açılması təmin edilib.

Operativ Media xəbər verir ki, bu barədə Bakı şəhər prokurorluğu orqanlarının cari ilin birinci yarımilinə həsr olunmuş geniş əməliyyat müşavirəsində məlumat verilib.

Bildirilib ki, daxili işlər orqanları ilə birgə həyata keçirilən operativ tədbirlər nəticəsində hesabat dövründə paytaxt ərazisində törədilmiş qəsdən adam öldürmə və qəsdən adam öldürməyə cəhd cinayətlərinin 100%-nin (hamısının) açılması təmin olunub.