Hindistanın Orissa ştatının Puri şəhərində keçirilən irimiqyaslı hinduist festivalı "Caqannat Rat Yatra" zamanı yaranan izdiham və sıxlıq nəticəsində iki nəfər həlak olub, ən azı 100 nəfər isə yaralanıb.

Operativ Media xəbər verir ki, bu barədə Hindistan mediası məlumat yayıb.

Məlumata görə, sıxlıq ənənəvi yürüş zamanı baş verib. Bayram tədbiri üçün Caqannat məbədinin yaxınlığına toplaşan yüzlərlə dindarın yaratdığı böyük izdiham panikaya səbəb olub və bu da vəziyyəti daha da gərginləşdirib. Nəticədə iki nəfər dünyasını dəyişib, yüzə yaxın insan isə xəstəxanaya yerləşdirilib.