Qazaxıstanlı hücumçu Kərim Mendikanov İspaniyanın "Barselona" klubu ilə rəsmi müqavilə imzalayıb.

​Operativ Media xəbər verir ki, bu barədə 15 yaşlı futbolçu öz sosial şəbəkə hesablarında paylaşım edib. Gənc oyunçu rəsmi imza mərasimindən çəkilmiş fotoşəkilləri təqdim edərək uşaqlıqdan bəri azarkeşlik etdiyi klubun heyətinə qoşulduğu üçün böyük qürur hissi keçirdiyini qeyd edib.

​Karyerasına vətənində, "Astana Junior" klubunda başlayan hücumçu 2021-ci ildə "Arıstan Kuboku" turnirinin ən yaxşı forvurdu seçilib. 2022-ci ildə İspaniyaya köçən Kərim Mendikanov buradakı fəaliyyəti dövründə 15 yaşadək futbolçulardan ibarət "San-Kuqat" komandasında çıxış edib və heyətin aparıcı üzvlərindən birinə çevrilməyi bacarıb.