Böyük Britaniya Kiyevə 16 ədəd "Gripen" çoxməqsədli qırıcı təyyarəsinin alınması üçün 300 milyon avro yardım edəcək.

Operativ Media xəbər verir ki, bu barədə Böyük Britaniya Baş naziri Kir Starmerin ofisi məlumat yayıb.

Bildirilib ki, maliyyələşdirmə Ukraynaya 2029-cu ilə qədər 16 İsveç "Gripen"  çoxməqsədli qırıcısından ibarət eskadrilya yaratmağa imkan verəcək. Yardım paketinə həmçinin pilotlar və mühəndis heyəti üçün təlim, simulyatorların, ehtiyat hissələrinin və təyyarənin əməliyyat hazırlığı və cəbhə xəttində istifadəsi üçün zəruri olan digər avadanlıqların təchizatı daxildir.