Fərid Qayıbov WAKO prezidenti ilə Azərbaycanda kikboksinqin inkişafı istiqamətində görülən işləri müzakirə edib

Gənclər və idman naziri Fərid Qayıbov Bakıda səfərdə olan Dünya Kikboksinq Təşkilatları Assosiasiyasının (WAKO) prezidenti Roy Beykerlə görüşdə Azərbaycanda kikboksinqin inkişafı istiqamətində görülən işləri müzakirə edib.

"Report" xəbər verir ki, nazir ona ölkəmizdə idman sahəsində qazanılan uğurlar barədə məlumat verib, WAKO ilə əməkdaşlıq və digər məsələlərdən bəhs edilib.

Görüşdə Gənclər və İdman Nazirliyinin İdman şöbəsinin müdiri Elnur Məmmədov, WAKO Avropa vitse-prezidenti, Türkiyə Kikboksinq Federasiyasının prezidenti Səlim Kayıçı, Azərbaycan Kikboksinq Federasiyasının prezidenti Orxan Əliyev və digər şəxslər də iştirak ediblər.