Fikrət Əliyev Dünya Gənc Türk Yazarlar Birliyinin yubiley medalı ilə təltif edilib

YAP Binəqədi rayon təşkilatının Binəqədi rayonu, Baksol yolu 89 ünvanında yerləşən “Unity Company” ərazi partiya təşkilatının sədri Fikrət Əliyev Dünya Gənc Türk Yazarlar Birliyinin 25 illik yubiley medalı ilə təltif edilib.

"Operativ Media" xəbər verir ki, o, Türk dünyasının inkişafında verdiyi töhfələrə görə yubiley medalına layiq görülüb.

Yubiley medalı təşkilatın başqanı İntiqam Yaşar tərəfindən “Unity Company”in ofisində F.Əliyevə təqdim edilib.

Görüşdə Türk dünyasının inkişafı istiqamətdə həyata keçirilən işlər, Dünya Gənc Türk Yazarlar Birliyinin Türk dünyasının inkişafına verdiyi töhfələr ətrafında fikir mübadiləsi aparılıb.

Səmimi mühitdə keçən görüşün sonunda F.Əliyev də İ.Yaşara xatirə hədiyyəsi təqdim edib.