Ukrayna Silahlı Qüvvələrinin tərkibində ayrıca Pilotsuz Sistemlər Qüvvələri yaradılacaq

Ukrayna prezidenti Volodimir Zelenski silahlı qüvvələrin tərkibində pilotsuz uçuş aparatlarından istifadə üçün ayrıca qoşun bölməsinin yaradılması haqqında fərman imzalayıb. 

"Operativ Media" xəbər verir ki, bu barədə sənəd dövlət başçısının saytında dərc olunub.

"Ukrayna Nazirlər Kabineti Ukrayna Silahlı Qüvvələrinin Baş Qərargahını cəlb etməklə, Ukrayna Silahlı Qüvvələrinin strukturunda ayrıca qüvvə növü kimi Pilotsuz Sistemlər Qüvvələrinin yaradılması məsələsini işləyəcək. İşin yekunlarına dair Ukrayna Milli Təhlükəsizlik və Müdafiə Şurasında baxılması üçün müvafiq təkliflər veriəcək", - sərəncamda deyilir.