İl-76 təyyarəsində ölənlərin qalıqları müəyyən edilib

Belqorod vilayətində İl-76 təyyarəsinin qəzaya uğraması nəticəsində ölənlərin qalıqları müəyyən edilib.

"Operativ Media" xəbər verir ki, bu barədə İstintaq Komitəsi məlumat yayıb.

Ümumilikdə, təyyarənin qəzaya uğradığı ərazidə həlak olanların cəsədlərinin 670-dən çox parçası aşkar edilərək götürülüb. Genetik ekspertizanın nəticələri ələ keçirilən cəsəd parçalarının qəza zamanı həlak olan 6 ekipaj üzvü, 3 hərbi polis əməkdaşı və 65 Ukrayna hərbçisinə məxsus olması barədə birmənalı nəticə çıxarmağa imkan verib.