"Araz-Naxçıvan" "Sabah"ın futbolçusu ilə gücləndi

Qış transfer pəncərəsinin açılmasından istifadə edən “Araz-Naxçıvan” heyətini yeni futbolçu ilə gücləndirib.

"Operativ Media" xəbər verir ki, Naxçıvan təmsilçisi “Sabah”dan İldar Alekperovu icarəyə götürüb. Bu haqda klubun mətbuat xidməti məlumat yayıb.

Hər iki cinahda və hücumda oynamaq keyfiyyətinə malik 23 yaşlı futbolçu mövsümün sonuna qədər “qırmızı-ağlar”ın heyətində 17 nömrəli formanı geyinəcək.