Balotelli Azərbaycandan təklif alıb - Meneceri açıqladı

"Adana Demirspor"un futbolçusu Mario Balotelli Azərbaycandan təklif alıb.

"Operativ Media" xəbər verir ki, bu barədə onun meneceri Enzo Rayola İtaliya mətbuatına açıqlamasında söyləyib. Agent Balotellinin təkliflərə baxmayaraq, yenidən İtaliyada oynamaq istədiyini deyib:

"Çoxları mənə zəng edir, amma o, İtaliyada oynamaq arzusundadır. Mənə İsraildən, Azərbaycandan, Argentinadan, Braziliyadan, Çindən zəng edirlər. Hər yerdən əlaqə qururlar".

33 yaşlı hücumçunun "Adana Demirspor"la müqaviləsi bu ilin yayına qədərdir. O, cari mövsümdə Super Liqada 5 oyunda 3 qol vurub.