Ramil Şeydayev oynamadı, "Buriram Yunayted" qələbə qazandı

Azərbaycan millisinin hücumçusu Ramil Şeydayevin çıxış etdiyi “Buriram Yunayted” Tailand çempionatında növbəti oyununa çıxıb.

"Operativ Media" xəbər verir ki, sözügedən komanda 6-cı turdan təxirə salınmış oyunda “Banqkok Yunayted”lə qarşılaşıb.

Futbolçumuzun komandası bu oyundan qələbə ilə ayrılıb – 1:0.

Şeydayev bu matçın iştirakçısı olmayıb. Onun adı iştirak ərizəsinə də daxil edilməyib.

“Buriram Yunayted” hazırda 30 xalla 2-ci pillədə qərarlaşıb