"Beşiktaş" hollandiyalı baş məşqçiyə tapşırılır

Yeni baş məşqçi üçün ölkə xaricində bir çox namizədlə görüşən "Beşiktaş" Covanni van Bronkhorstla prinsipial razılığa gəlib.

"Operativ Media" "Hürriyyet" qəzetinə istinadən xəbər verir ki, "ağ-qara" klubun prezidenti Həsən Aratla hollandiyalı məşqçi 1,5 illik əl sıxışıb.

Müqaviləyə əsasən, Van Bronkhorst illik 1 milyon 300 min avro alacaq.

Futbolçu olan illərində "Feyenord", "Arsenal" və "Barselona" kimi nəhəng klublarda çıxış edən Covanni van Bronkhorst 2011-ci ildə "Feyenord"un gənclər komandasında məşqçi kimi karyerasına başlayıb.

Burada A komandasına qədər yüksələn Van Bronkhorst Çində "Quançjou" və Şotlandiyada "Qlazqo Reyncers"i çalışdırıb.