"Turan Tovuz"un yoxlama oyunları keçirəcəyi rəqiblər bəlli oldu

Mövsümün ikinci hissəsinə hazırlıq məqsədi ilə Türkiyəyə yollanacaq "Turan Tovuz" yoxlama görüşlərindəki rəqibləri məlumdur. 

"Operativ Media" xəbər verir ki, yanvarın 17-dək Antalyada hazırlığını davam etdirəcək “Turan Tovuz” ilk yoxlama oyununa 9 yanvar tarixində çıxacaq. Rəqib Rumıniya yüksək liqa təmsilçisi “Voluntari” olacaq. 

Hazırlıq çərçivəsində növbəti oyunlar isə 15 yanvar tarixində keçiriləcək. Həmin gün baş məşqçimiz Ayxan Abbasov 2 oyununda komandanı sınaqdan keçirəcək. Günün ilk oyununda "Turan Tovuz" Macarıstan təmsilçisi “Şiofok”la qarşılaşacaq. İkinci oyundakı rəqib isə Özbəkistan yüksək liqa təmsilçisi “Nasaf” olacaq.