"Qarabağ" Gürcüstan millisinin üzvünü transfer edir

"Qarabağ" klubu Kevin Medinanın zədələnməsindən sonra müdafiənin mərkəzinə yeni transfer olacağını bildirmişdi.

"Operativ Media" xəbər verir ki, "ağ-qaralar" axtardığı oyunçunu Kiprdə tapıb. Kiprin "Apoel" klubunun gürcü müdafiəçisi Laşa Dvali ilə böyük ölçüdə razılıq əldə olunub.

28 yaşlı müdafiəçi də "Qarabağ"da oynamağa müsbət yanaşır. Gürcüstan millisinin də üzvü olan futbolçunun Kipr klubu ilə 2025-ci ilə kimi müqaviləsi var.

"Atlılar" "Apoel" klubu ilə razılığa gələrsə transferin tezliklə açıqlanacağı gözlənilir.