Albaniyanın “Eqnatiya” klubu yenicə transfer etdikləri Azərbaycan millisinin futbolçusu Vüsal İsgəndərlini Avropa Konfrans Liqasının 1-ci təsnifat mərhələsinin oyunları üçün sifariş edib.

"Operativ Media" xəbər verir ki, İsgəndərli Ermənistan “Ararat”ına qarşı keçirəcəkləri UEFA Konfrans Liqasının 1-ci təsnifat mərhələsinin oyunlarında iştirak edə bilər.

Vüsal İsgəndərli “Eqnatiya” ilə 3 illik müqavilə bağlayıb.

Albaniya klubu “Ararat”a qarşı ilk oyununu iyulun 13-də səfərdə, cavab matçını isə bir həftə sonra evdə keçirəcək.