İsrail Prezidenti İshaq Hersoqun olduğu helikopter uçuş zamanı quş sürüsü ilə toqquşduqdan sonra təcili eniş edib.

Operativ Media xəbər verir ki, bu barədə İsrail Müdafiə Qüvvələri məlumat yayıb.

Bildirilib ki, helikopter prezidenti Qüdsdəki Mount Herzldə keçirilən anım mərasimindən Şimali İsraildə nəzərdə tutulan dəfn mərasiminə aparırdı.

Məlumata görə, uçuş zamanı hava nəqliyyat vasitəsi quşlarla toqquşub və bu səbəbdən Palmachim Airbasenə təcili eniş etmək məcburiyyətində qalıb. Hadisə nəticəsində xəsarət alan olmayıb.

Təcili enişdən sonra İsrail prezidenti və onu müşayiət edən şəxslər başqa helikopterə keçərək planlaşdırılan uçuşu davam etdiriblər.