Azərbaycanla Peru arasında bu gün diplomatik münasibətlərin qurulmasının 30-cu ildönümü qeyd olunur.

Operativ Media xəbər verir ki, bu barədə Azərbaycan Xarici İşlər Nazirliyi sosial media hesabında məlumat yayıb.

"Biz ikitərəfli əlaqələrin daha da möhkəmləndirilməsinə və qarşılıqlı maraq doğuran sahələrdə əməkdaşlığın genişləndirilməsinə sadiqik. Bu əlamətdar tarixi qeyd edərkən ölkələrimiz arasında dostluq münasibətlərinin inkişaf etdirilməsi və müxtəlif sahələr üzrə əməkdaşlığın gücləndirilməsi istiqamətində mövqeyimizi bir daha təsdiqləyirik", - deyə məlumatda qeyd edilib.