İngiltərə millisinin yarımmüdafiəçisi Deklan Rays və müdafiəçisi Ris Ceyms 2026-cı il dünya çempionatının qrup mərhələsinin III turunda Panamaya qarşı keçiriləcək oyunu buraxa bilərlər.

Operativ Media xəbər verir ki, bu barədə "The Guardian" nəşri məlumat yayıb.

​Mənbənin bildirdiyinə görə, hər iki futbolçu Qana ilə qarşılaşmadan (0:0) sonra diskomfort hiss edir. Zədələrin ciddi olmadığı qeyd edilsə də, Rays və Ceyms ehtiyat tədbiri olaraq növbəti matçda istirahət edə bilərlər.

​İngiltərə — Panama oyunu iyunun 28-də İst-Ruterfordda keçiriləcək. Qarşılaşma Bakı vaxtı ilə saat 01:00-da başlayacaq.

​İki turdan sonra İngiltərə yığması 4 xalla L qrupunda birinci, Panama isə xalsız sonuncu — dördüncü pillədə qərarlaşıb.