Baş məşqçi axtarışlarını davam etdirən "Neftçi"də bu posta namizədlərdən biri məlum olub.

"Operativ Media" xəbər verir ki, bu, rumıniyalı Adrian Mutudur. Bu barədə "gsp.ro" saytı məlumat yayıb. Xəbərdə 44 yaşlı mütəxəssisin "ağ-qaralar"da baş məşqçi postuna əsas namizəd olduğu bildirilib.

Mutu hazırda ölkəsində "Rapid 1923"ü çalışdırır. Onun klubla müqaviləsi 2025-ci ilin yayına qədərdir.

"Neftçi" ötən ay rumıniyalı baş məşqçi Laurentsiu Regekampfla yollarını ayırıb.