Azərbaycanlı futbolçu Ukrayna klubundan ayrıldı

Azərbaycanlı futbolçu Emil Mustafayev "Aleksandriya"dan ayrılıb.

"Operativ Media" xəbər verir ki, bu barədə Ukrayna klubunun mətbuat xidməti məlumat yayıb. 21 yaşlı yarımmüdafiəçinin müddəti bitən müqaviləsi yenilənməyib.

Mustafayev 2021-ci ilin yayından "Aleksandriya"nın əsas komandasında forma geyinirdi. O, bu mövsüm 19 oyunda 2 qol, 5 məhsuldar ötürmə ilə yadda qalıb.

Emilin karyerasını Azərbaycanda davam etdirmək variantı var. Premyer Liqadan bir neçə klub oyunçunun xidmətində maraqlıdır.