İsrailin Qəzza zolağında hücumları nəticəsində didərgin düşmüş ən azı 1,7 milyon insan ağır şəraitdə yaşayır.

Operativ Media xəbər verir ki, bu barədə BMT Baş katibinin sözçüsü Stefan Dujarrik mətbuat brifinqində bildirib.

Onun sözlərinə görə, Qəzzalıların əsas ehtiyaclara məhdud çıxışı var və səhiyyə xidmətlərinin zəifliyindən əziyyət çəkirlər. Təxminən 600.000 insanın kifayət qədər içməli suya çıxışı yoxdur. Məhəllələrin 80%-də gəmiricilərin yoluxması qeydə alınıb.

Dujarrik bildirib ki, BMT-nin Humanitar Məsələlərin Koordinasiyası Ofisi Qəzza zolağında mülki şəxslərin artilleriya atəşinə, silahlı hücumlara, bombardmanlara və hava hücumlarına məruz qalmağa davam etdiyini qeyd edib.