"Operativ Media" xəbər verir ki, hər nə qədər rəsmi açıqlama gözlənilsə də, dünya çempionatına təşkilatçılıq edəcək ölkə indidən bəllidir.

Turnirə Səudiyyə Ərəbistanı ev sahibliyi edəcək, çünki bu, FİFA tərəfindən son müraciət tarixi olaraq 31 oktyabr 2023-cü ilə qədər təkliflər təqdim edən yeganə ölkədir.

Avropa futbolunun aparıcı ölkələri 2022-ci ildə Qətərdə keçirilən dünya çempionatından sonra qış aylarında daha bir dünya çempionatının keçirilməsinə etiraz etməyə hazırlaşırlar.

İngiltərə Premyer Liqası da daxil olmaqla, Avropanın bir çox ölkələrinin futbol liqaları növbəti dəfə qış aylarında Dünya Çempionatının keçirilməsinə qarşı çıxırlar, çünki bunun uzun fasilə ilə nəticələnəcəyinə və qlobal futbol təqvimini daha da pozacağına inanırlar.