Cəlal Hüseynov Bolqarıstan klubunda tibbi müayinədən keçdi

Azərbaycan millisinin və "Zirə"nin futbolçusu Cəlal Hüseynov karyerasəını Bolqarıstanda davam etdirəcək.

"Operativ Media" xəbər verir ki, 20 yaşlı müdafiəçi "Arda" klubu üçün tibbi müayinədən keçib. Bu barədə o, özünün instaqram hesabında paylaşım edib.

Cəlalın yaxın günlərdə "Arda" ilə müqavilə imzalayacağı gözlənilir.

Azərbaycan millisinin də üzvü olan müdafiəçi son mövsümü icarə əsasında "Şamaxı"da keçirib.

"Arda" Bolqarıstan çempionatını 42 xalla 8-ci sırada bitirib.