Azərbaycanın FİFA referisi Əliyar Ağayev gənclər arasında Avropa çempionatının final mərhələsinə təyinat alıb.

"Operativ Media" xəbər verir ki, o, Gürcüstanda keçiriləcək A və C qrupunun matçlarını idarə edəcək hakimlər siyahısında yer alıb.

A qrupunda Gürcüstanla yanaşı, Portuqaliya, Niderland və Belçika, C qrupunda isə İngiltərə, Almaniya, Çexiya və İsrail yığmaları mübarizə aparacaq.

Gənclər arasında Avropa çempionatının final mərhələsi iki ölkədə - Gürcüstan və Rumıniyada keçiriləcək. 2023-cü ilin iyunun 21-də başlanacaq yarışa iyulun 8-də yekun vurulacaq.