Gənclər arasında ilk 16-lıqda olan cüdoçular dünya çempionatına qatıla biləcək. 

Operativ Media xəbər verir ki, bu barədə Azərbaycan Cüdo Federasiyasının icraçı vitse-prezidenti Rəşad Rəsullu məlumat verib. 

O bildirib ki, Beynəlxalq Cüdo Federasiyasının qaydalarına əsasən, dünya çempionatında böyüklər arasında yalnız dünya reytinqində ilk 100-lükdə qərarlaşan idmançılar iştirak edə bilərlər. Bununla yanaşı, gənclər arasında dünya reytinqində ilk 16-lıqda yer alan idmançılar da Dünya Çempionatına vəsiqə qazanırlar. Yəni idmançı böyüklər arasında ilk 100-lükdə olmasa belə, gənclər arasında ilk 16-lıqda yer alırsa, dünya çempionatında iştirak etmək hüququ əldə edir.