Gürcüstanın Baş naziri İrakli Kobaxidze Qazaxıstan Respublikasına rəsmi səfərə yola düşüb.

Operativ Media bu barədə Gürcüstan mediasına istinadən xəbər verir.

Bildirilib ki, Gürcüstan Baş naziri ilə Qazaxıstan Respublikasının Prezidenti Kasım - Jomart Tokayev arasında görüşlər planlaşdırılır. Bundan sonra iki ölkənin müvafiq qurumları arasında müxtəlif sahələrdə əməkdaşlıq haqqında anlaşma memorandumları imzalanacaq.

Rəsmi səfər çərçivəsində Gürcüstan hökumətinin başçısı Qazaxıstan Baş naziri Oljas Bektenov ilə görüşəcək. Görüşdə iki ölkənin Nazirlər Kabinetinin üzvləri iştirak edəcəklər.