"Turizm mərkəzlərində dövlətə məxsus daşınmaz əmlakın icarəyə və istifadəyə verilməsi və investisiya layihələrinin icra edilməsi Qaydaları" təsdiq edilib.

Operativ Media xəbər verir ki, bu barədə Nazirlər Kabineti qərar verib.

Qərara əsasən, Qaydalar ölkə Prezidentinin 2 avqust 2024-cü il tarixli frmanı ilə təsdiq edilmiş "Turizm və rekreasiya zonalarının Nümunəvi Əsasnaməsi"nin 12.1-ci bəndinə uyğun hazırlanıb, turizm və rekreasiya zonalarının sərhədləri daxilində yerləşən turizm mərkəzlərində dövlətə məxsus daşınmaz əmlakın icarəyə və istifadəyə verilməsi və investisiya layihələrinin icra edilməsi qaydalarını müəyyən edir.