Messi 911-ci qolunu vurdu

Argentina millisi dünya çempionatı öncəsi son yoxlama oyununda İslandiyanı 3:0 hesabı ilə məğlub edib.

Operativ Media xəbər verir ki, qarşılaşmada hesabı 8-ci dəqiqədə Valentin Barko açıb.

Zədəsini sağaldan Lionel Messi isə oyuna 70-ci dəqiqədə daxil olub və cəmi iki dəqiqə sonra penaltidən fərqlənərək komandasının üstünlüyünü ikiqat artırıb. Bununla da 38 yaşlı hücumçu peşəkar karyerasında 911-ci, millidə isə 117-ci qolunu vurub.

Matçda son nöqtəni 86-cı dəqiqədə Tiaqo Almada qoyub.