Sabunçuda açıq ərazidə yanğın söndürülüb - YENİLƏNİB

Bakı şəhəri, Sabunçu rayonu, Sabunçu qəsəbəsində açıq ərazidə baş vermiş yanğın FHN-in Dövlət Yanğından Mühafizə Xidmətinin qüvvələri tərəfindən genişlənməsinə, həmçinin yaxınlıqdakı tikililərə keçməsinə imkan verilmədən qısa müddətdə söndürülüb.

Operativ Media xəbər verir ki, bu barədə FHN məlumat yayıb.

Yanğın nəticəsində açıq ərazidə 500 kv.m. sahədə qamışlıq yanıb.

Yaxınlıqda yerləşən tikililər və ətraf ərazilər yanğından mühafizə olunub.

19:25

Bakının Sabunçu rayonunda açıq ərazidə yanğın baş verib.

Bu barədə Operativ Media-ya Fövqəladə Hallar Nazirliyindən (FHN) məlumat verilib.

Bildirilib ki, hadisə ilə bağlı nazirliyin "112" qaynar telefon xəttinə Sabunçu qəsəbəsində açıq ərazidə yanğın olması barədə məlumat daxil olub.

Məlumat əsasında dərhal əraziyə FHN-in Dövlət Yanğından Mühafizə Xidmətinin qüvvələri cəlb edilib.

Hazırda yanğının söndürülməsi istiqamətində tədbirlər davam etdirilir.

Hadisə ilə bağlı əlavə məlumat veriləcək.